ບໍລິສັດ ຜະລິດ-ໄຟຟ້າລາວ ມະຫາຊົນ ໄດ້ເຂົ້າຮ່ວມກອງປະຊຸມເປີດກວ້າງ ສະຫຼຸບຕີລາຄາຖອດຖອນບົດຮຽນການຈັດຕັ້ງປະຕິບັດແຜນວຽກພັດທະນາພະລັງງານ ແລະ ບໍ່ແຮ່ 5 ປີ ຄັ້ງທີ VIII (2016-2020) ແລະ ຄາດຄະເນແຜນພະລັງງານ ແລະ ບໍ່ແຮ່ 5 ປີ ຄັ້ງທີ IX (2021-2025)

ບໍລິສັດ ຜະລິດ-ໄຟຟ້າລາວ ມະຫາຊົນ ໄດ້ເຂົ້າຮ່ວມກອງປະຊຸມເປີດກວ້າງ ສະຫຼຸບຕີລາຄາຖອດຖອນບົດຮຽນການຈັດຕັ້ງປະຕິບັດແຜນວຽກພັດທະນາພະລັງງານ ແລະ ບໍ່ແຮ່ 5 ປີ ຄັ້ງທີ VIII (2016-2020) ແລະ ຄາດຄະເນແຜນພະລັງງານ ແລະ ບໍ່ແຮ່ 5 ປີ ຄັ້ງທີ IX (2021-2025) ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ໄດ້ໃຫ້ທິດຊີ້ນຳ ແກ່ຂະແໜງການ ພະລັງງານ ແລະ ບໍ່ແຮ່ໃນກອງປະຊຸມເປີດກວ້າງ ສະຫຼຸບຕີລາຄາຖອດຖອນບົດຮຽນການຈັດຕັ້ງປະຕິບັດແຜນວຽກພັດທະນາພະລັງງານ ແລະ ບໍ່ແຮ່ 5 ປີ ຄັ້ງທີ VIII (2016-2020) ແລະ ຄາດຄະເນແຜນພະລັງງານ ແລະ ບໍ່ແຮ່ 5 ປີ ຄັ້ງທີ IX (2021-2025) ເຊິງຈັດຂຶ້ນວັນທີ 4-5 ກຸມພາ 2020 ຢູ່ຫໍປະຊຸມແຫ່ງຊາດ.

ບໍລິສັດ ຜະລິດ-ໄຟຟ້າລາວ ມະຫາຊົນ (ຜ-ຟຟລ) ໄດ້ຮ່ວມເປັນເຈົ້າພາບກັບ ບໍລິສັດ ເທີນ-ຫີນບູນ ພາວເວີ້ (THPC) ຈັດງານແຂ່ງຂັນກ໋ອຟການກຸສົນ

ບໍລິສັດ ຜະລິດ-ໄຟຟ້າລາວ ມະຫາຊົນ (ຜ-ຟຟລ) ໄດ້ຮ່ວມເປັນເຈົ້າພາບກັບ ບໍລິສັດ ເທີນ-ຫີນບູນ ພາວເວີ້ (THPC) ຈັດງານແຂ່ງຂັນກ໋ອຟການກຸສົນ ໃນວັນທີ 1 ກຸມພາ 2020, ບໍລິສັດ ຜະລິດ-ໄຟຟ້າລາວ ມະຫາຊົນ (ຜ-ຟຟລ) ໄດ້ຮ່ວມເປັນເຈົ້າພາບກັບ ບໍລິສັດ ເທີນ-ຫີນບູນ ພາວເວີ້ (THPC) ຈັດງານແຂ່ງຂັນກ໋ອຟການກຸສົນເພື່ອເປັນການອຸປະຖຳປັດໃຈ ທີ່ຈະນໍາເອົາທຶນດັ່ງກ່າວໄປພັດທະນາໂຮງຮຽນໃນເຂດຊົນນະບົດຫ່າງໄກສອກຫຼີກ. ໂດຍການເປັນປະທານຂອງ ປອ ຄໍາມະນີ ອິນທິລາດ, ລັດຖະມົນຕີກະຊວງພະລັງງານ ແລະ ບໍ່ແຮ່, ປະທານຂອງ ຜ-ຟຟລ, ແລະ ເຂົ້າຮ່ວມໂດຍບັນດາຄະນະກະຊວງພະລັງງານ ແລະ ບໍ່ແຮ່ ພ້ອມດ້ວຍບໍລິສັດທີ່ຢູ່ອ້ອມຂ້າງຂອງ ຜ-ຟຟລ ແລະ THPC.

ບໍລິສັດ ຜະລິດໄຟຟ້າລາວ ມະຫາຊົນ ແລະ ບໍລິສັດ ເທີນ-ຫີນບູນ ພາວເວີ ຈໍາກັດ ຮ່ວມແບ່ງປັນນໍ້າໃຈເພື່ອຊ່ວຍເຫຼືອຜູ້ປະສົບໄພນໍ້າຖ້ວມຢູ່ແຂວງສາລະວັນ ແລະ ແຂວງເຊກອງ

ບໍລິສັດ ຜະລິດໄຟຟ້າລາວ ມະຫາຊົນ ແລະ ບໍລິສັດ ເທີນ-ຫີນບູນ ພາວເວີ ຈໍາກັດ ຮ່ວມແບ່ງປັນນໍ້າໃຈເພື່ອຊ່ວຍເຫຼືອຜູ້ປະສົບໄພນໍ້າຖ້ວມຢູ່ແຂວງສາລະວັນ ແລະ ແຂວງເຊກອງ ບໍລິສັດ ຜະລິດໄຟຟ້າລາວ ມະຫາຊົນ ຫຼື ຜ-ຟຟລ ແລະ ບໍລິສັດ ເທີນ-ຫີນບູນ ພາວເວີ ຈໍາກັດ (THPC) ໄດ້ຮ່ວມກັນແບ່ງປັນນໍ້າໃຈເພື່ອຊ່ວຍເຫຼືອຜູ້ປະສົບໄພນໍ້າຖ້ວມຢູ່ແຂວງສາລະວັນ ດ້ວຍເຂົ້າສານ 20 ໂຕນ ແລະ ແນວພັນເຂົ້າ 10 ໂຕນ ແລະ ພ້ອມດຽວກັນກໍ່ຍັງໄດ້ມອບໃຫ້ກັບ ແຂວງເຊກອງ ດ້ວຍເຂົ້າສານ 20 ໂຕນ ແລະ ແນວພັນເຂົ້າ 10 ໂຕນ ລວມເປັນມູນຄ່າທັງໝົດ 418 ລ້ານກີບ.

ບັນດາເຂື່ອນຕ່າງໆ ຂອງ ຜ-ຟຟລ ຍັງປອດໄພ ຈາກແຜ່ນດິນໄຫວ

ບັນດາເຂື່ອນຕ່າງໆ ຂອງ ຜ-ຟຟລ ຍັງປອດໄພ ຈາກແຜ່ນດິນໄຫວ ບັນດາເຂື່ອນຕ່າງໆບໍລິສັດ ຜະລິດ-ໄຟຟ້າ ລາວມະຫາຊົນ (ຜ-ຟຟລ) ໃນເບື້ອງຕົ້ນ ຍັງບໍ່ໄດ້ຮັບຜົນກະທົບຈາກແຜ່ນດິນໄຫວ ເຊິ່ງເກີດຂຶ້ນໃນຕອນເຊົ້າຂອງວັນທີ 21 ພະຈິກ 2019, ໃນຂອບເຂດ ສປປລາວ ໃນຈຳນວນ 18 ຄັ້ງ, ເຊິ່ງຄັ້ງທີ 2 ມີຄວາມແຮງ 5.9 ຣິກເຕີ ໃນເວລາ 04 ໂມງ 03 ນາທີ, ຄັ້ງທີ 17 ມີຄວາມແຮງ 6.4 ຣິກເຕີ ເວລາ 06 ໂມງ 50 ນາທີ ຢູ່ເມືອງຫົງສາ ແຂວງໄຊຍະບູລີ ແລະ ຮູ້ສຶກ ສັ່ນສະເທືອນໃນບັນດາແຂວງ ພາກເໜືອ ຈົນເຖິງ ນະຄອນຫຼວງວຽງຈັນ. (ອິງຕາໃບແຈ້ງການ ສະບັບເລກທີ 1661/ກອຕທ, ກົມອຸຕຸນິຍົມ ແລະ ອຸທົກກະສາດ ກະຊວງ…

ເຂື່ອນ ໄຟຟ້າ ນ້ຳງື່ມ -1 ​ເຜີຍ​ແຜ່ ຄວາມເຂົ້າໃຈ ການບໍລິຫານຈັດການນ້ຳ​ໃນ​ລະດູ​ແລ້ງ

ເຂື່ອນ ໄຟຟ້າ ນ້ຳງື່ມ -1 ​ເຜີຍ​ແຜ່ ຄວາມເຂົ້າໃຈ ການບໍລິຫານຈັດການນ້ຳ​ໃນ​ລະດູ​ແລ້ງ ໃນວັນທີ 7 ພະຈິກ ປີ 2019 ທ່ານ ສີລິພົມ ແສງອ່ອນແກ້ວ ອຳນວຍການເຂື່ອນ ໄຟຟ້ານ້ຳງື່ມ -1 ໄດ້​ລົງ​ປະ​ຊາ​ສຳ​ພັນ ກ່ຽວ​ກັບ ວຽກ​ງານ​ບໍ​ລິ​ຫານ ຈັດ​ການ​ນ້ຳ ຂອງ​ເຂື່ອນ ໄຟ​ຟ້າ​ນ້ຳ​ງື່ມ ໃນ​ໄລ​ຍະ​ລະ​ດູ​ແລ້ງ ທີ່ສະໂມສອນສຶກສາເມືອງ ໄຊທານີ ນະຄອນຫຼວງວຽງຈັນ.

ເຂື່ອນໄຟຟ້ານໍ້າງື່ມ-1 ເດີນເຄື່ອງຜະລິດ ໄຟຟ້າ ປົກກະຕິ

ເຂື່ອນໄຟຟ້ານໍ້າງື່ມ-1 ເດີນເຄື່ອງຜະລິດ ໄຟຟ້າ ປົກກະຕິ  ລະດັບນ້ຳ ໃນວັນທີ 28 ຕຸລາ 2019 ຢູ່ທີ່ 206,50 ເມັດ ທຽບໃສ່ລະດັບໜ້ານ້ຳທະເລ ບໍລິມາດນ້ຳໃນອ່າງ ປະມານ 5,216 ລ້ານແມັດກ້ອນ ຫຼື ສົມທຽບເປັນ 73,40 ສ່ວນຮ້ອຍ ຂອງບໍລິມາດນ້ຳທີ່ອ່າງນ້ຳງື່ມ -1 ສາມາດບັນຈຸໄດ້. ເຂື່ອນໄຟຟ້ານ້ຳງື່ມ-1 ເດີນເຄື່ອງ ຜະລິດໄຟຟ້າ 1 ເຄື່ອງ ຈາກທັງໝົດ 6 ເຄື່ອງຈັກ. ປະລິມານນ້ຳໄຫຼລົງສູ່ ສາຍນ້ຳງື່ມ ແມ່ນ 47 ແມັດກ້ອນ ຕໍ່ວິນາທີ, ການຜະລິດໄຟຟ້າຂອງເຂື່ອນແມ່ນອີງຕາມສະພາບນ້ຳທີ່ຢູ່ໃນອ່າງນ້ຳງື່ມ ເຊິ່ງ ປີນີ້ຖືວ່າ ມີປະລິມານທີ່ ໜ້ອຍຫຼາຍ ເນື່ອງຈາກສະພາບໄພແຫ້ງແລ້ງ.

ຜ-ຟຟລ ເຂົ້າຖືຮຸ້ນໃນເຂື່ອນໃຫຍ່ແມ່ນ້ຳຂອງສ້າງຄວາມໝັ້ນໃຈແກ່ນັກລົງທຶນ

ຜ-ຟຟລ ເຂົ້າຖືຮຸ້ນ ໃນເຂື່ອນໃຫຍ່ ແມ່ນ້ຳຂອງ ສ້າງຄວາມໝັ້ນໃຈ ແກ່ນັກລົງທຶນ ບໍລິສັດ ຜະລິດ-ໄຟຟ້າລາວ ມະຫາຊົນ (ຜ-ຟຟລ) ສ້າງຄວາມໝັ້ນໃຈແກ່ນັກລົງທຶນ ດ້ວຍການເຂົ້າຊື້ຮຸ້ນໃນເຂື່ອນໄຟຟ້າດອນສະໂຮງ ແລະ ເຂື່ອນໄຟຟ້າ ໄຊຍະບູລີ ເຊິ່ງເປັນເຂື່ອນຂະໜາດໃຫຍ່ ຕັ້ງຢູ່ແມ່ນ້ຳຂອງ ໂດຍມີກຳນົດການເລີ່ມເດີນເຄື່ອງຈັກ ຜະລິດໄຟຟ້າຢ່າງເປັນທາງການ ໃນເດືອນ ພະຈິກ 2019 ນີ້. ໂຄງການ ເຂື່ອນໄຟຟ້າດອນສະໂຮງ ຕັ້ງຢູ່ ເມືອງ ໂຂງ ແຂວງຈຳປາສັກ ເປັນເຂື່ອນໄຟຟ້າ ແບບຝາຍນ້ຳລົ້ນ (Run-off-River) ມີກໍາລັງຕິດຕັ້ງ 260 ເມກາວັດ ສາມາດຜະລິດພະລັງງານໄຟຟ້າໂດຍສະເລ່ຍໄດ້ 2.028 ລ້ານກິໂລວັດໂມງ ຕໍ່ປີ.

ການພັດທະນາເສັ້ນທາງເຂົ້າຫາຊຸມຊົນຂອງ ເຂື່ອນໄຟຟ້ານ້ຳຄານ 2

ການພັດທະນາເສັ້ນທາງເຂົ້າຫາຊຸມຊົນຂອງ ເຂື່ອນໄຟຟ້ານ້ຳຄານ 2 ຄຽງຄູ່ກັບການຜະລິດພະລັງງານໄຟຟ້າຂອງ ສປປ ລາວ ກໍ່ຄືຂອງບໍລິສັດ ຜະລິດ-ໄຟຟ້າລາວ ມະຫາຊົນ (ຜ-ຟຟລ), ການພັດທະນາ ພື້ນຖານໂຄງລາງຂອງຊຸມຊົນອ້ອມຂ້າງເຂື່ອນ ຖືເປັນສິ່ງທີ່ສຳຄັນ ແລະ ເປັນໝາກຫົວໃຈຫຼັກ ຂອງການພັດທະນາ ໂດຍສະເພາະ ຊີວິດການເປັນຢູ່ຂອງປະຊາຊົນ ທີ່ອາໃສຢູ່ອ້ອມຂ້າງບັນດາເຂື່ອນຂອງບໍລິສັດ. ເຂື່ອນໄຟຟ້ານໍ້າຄານ 2-3 ເປັນໜຶ່ງໃນບັນດາເຂື່ອນທີ່ ຜ-ຟຟລ ເປັນຜູ້ຄຸ້ມຄອງ, ຊຶ່ງປັດຈຸບັນພວມມີການພັດທະນາ ໂຄງການປັບປຸງເສັ້ນທາງເຂົ້າຫາເຂື່ອນ ໄຟຟ້ານ້ຳຄານ 2 ທີ່ໄດ້ມີການລິເລີ່ມລົງມືປະຕິບັດ ໂດຍແມ່ນເສັ້ນທາງ ໝາຍເລກ 2 ແຕ່ທ່າເຮືອແກ້ງກຸ້ງ ບ້ານ ພູຊ້າງ, ເມືອງຊຽງເງີນ ແຂວງຫຼວງພະບາງ ຫາ ເຂື່ອນໄຟຟ້ານ້ຳຄານ 2 ເຊິ່ງມີຄວາມຍາວ ປະມານ 6 ກິໂລແມັດ. ມາຮອດຕົ້ນເດືອນ ຕຸລາ 2019  ນີ້ ແມ່ນໄດ້ສຳເລັດການອະນາໄມ ແລະ ບຸກເບີກຂອບທາງແລ້ວຊຶ່ງມີຄວາມຍາວປະມານ 3 ກິໂລແມັດ.

ໄຟຟ້າ ແຊລະບຳ ຍັງຢູ່ໃນຂັ້ນຕອນການຟື້ນຟູ

ໄຟຟ້າ ແຊລະບຳ ຍັງຢູ່ໃນຂັ້ນຕອນການຟື້ນຟູ ພາຍຫຼັງທີ່ເກີດໄພນ້ຳຖ້ວມ ໃນຕົ້ນເດືອນ ກັນຍາ ທີ່ຜ່ານມາ ເຊິ່ງເຮັດໃຫ້ເກີດຄວາມເສຍຫາຍພໍສົມຄວນແກ່ເຂື່ອນ ໄຟຟ້າ ແຊລະບຳ ເຊິ່ງຕັ້ງ ຢູ່ເມືອງ ຊະນະສົມບູນ ແຂວງຈຳປາສັກ ມາຮອດປັດຈຸບັນ ແມ່ນກຳລັງ ຢູ່ໃນຂັ້ນຕອນການຟື້ນຟູ ສະພາບ ສາງໄວ້ເຄື່ອງ ບໍລິເວນ ເຮືອນພັກ ແລະ ສະຖານທີ່ອື່ນໆ ອ້ອມແອ້ມໂຄງການດັ່ງກ່າວ ພ້ອມດ້ວຍ ອຸປະກອນ ເຄື່ອງຈັກ ເຊັ່ນ: ອຸປະກອນຕ່າງໆ ທີ່ຢູ່ໃນເຮືອນຈັກ, ເຄື່ອງຈັກ, ມໍເຕີ, ແຜງວົງຈອນຕ່າງໆ ເພື່ອໃຫ້ກັບມາດຳເນີນການຜະລິດໄດ້ເປັນປົກກະຕິ.

ຜ-ຟຟລ ຮ່ວມມອບເງິນເພື່ອການບູລະນະສ້ອມແປງ ໂຮງຮຽນປະຖົມ ເຂື່ອນໄຟຟ້າແຊລະບຳ

ຜ-ຟຟລ ຮ່ວມມອບເງິນເພື່ອການບູລະນະສ້ອມແປງ ໂຮງຮຽນປະຖົມ ເຂື່ອນໄຟຟ້າແຊລະບຳ ໃນວັນທີ 19 ກັນຍາ 2019 ທີ່ເຂື່ອນໄຟຟ້າແຊລະບໍາ ໄດ້ມີພິທີມອບ-ຮັບເງິນອຸປະຖຳ ບູລະນະສ້ອມແປງ ໂຮງຮຽນປະຖົມ ເຂື່ອນໄຟຟ້າແຊລະບຳ ແລະ ເຄື່ອງອຸປະໂພກບໍລິໂພກ ລວມມູນຄ່າ 140 ລ້ານກີບ ໃຫ້ກັບໂຮງຮຽນປະຖົມເຂື່ອນໄຟຟ້າແຊລະບໍາ ພ້ອມທັງຄອບຄົວທີ່ອາໄສຢູ່ອ້ອມຂ້າງເຂື່ອນທີ່ໄດ້ຮັບຜົນກະທົບ ທີ່ໄດ້ຮັບຜົນກະທົບຈາກໄພນໍ້າຖ້ວມທາງພາກໃຕ້ ໃນເດືອນ ກັນຍານີ້  ເຊິ່ງເງິນອຸປະຖຳດັ່ງກ່າວແມ່ນໄດ້ຮັບການສົບທົບຈາກ ກະຊວງພະລັງງານ ແລະ ບໍ່ແຮ່, ບໍລິສັດ ຜະລິດ-ໄຟຟ້າລາວ ມະຫາຊົນ ແລະ ບໍລິສັດ ເອກະຊົນ.