ດຳເນີນການປ່ອຍນ້ຳເພື່ອປັບລະດັບນ້ຳຂອງອ່າງເກັບນ້ຳ ຂອງເຂື່ອນໄຟຟ້າຫ້ວຍລຳພັນໃຫຍ່, ເລີ່ມແຕ່ເວລາ: 10:00 ໂມງ ຂອງວັນທີ 07/10/2020 ເຖີງ ເວລາ: 24:00ໂມງ ຂອງວັນທີ10/10/2020.

ແຈ້ງການ: ບໍລິສັດ ຜະລິດ-ໄຟຟ້າລາວ ມະຫາຊົນ, ຂໍຖືເປັນກຽດແຈ້ງເຕືອນມາຍັງອຳນາດການປົກຄອງແຂວງ, ອຳນາດການປົກຄອງເມືອງ, ອຳນາດການປົກຄອງ ທ້ອງຖີ່ນ, ພໍ່ແມ່ປະຊາຊົນ ແລະ ພາກສ່ວນທີ່ກ່ຽວຂ້ອງຮັບຊາບວ່າ ເຂື່ອນໄຟຟ້າຫ້ວຍລໍາພັນໃຫຍ່ ມີຄວາມຈຳເປັນຈະໄດ້ລະບາຍນ້ຳອອກຈາກອ່າງເກັບນໍ້າ ໃນຊ່ວງວັນທີ 07/10/2020 ຫາ ວັນທີ 10/10/2020 ຜ່ານປະຕູລະບາຍນໍ້າ (Spillways) ລົງສູ່ນໍ້າຄອງເດີມ ເພື່ອຮັກສາລະດັບນ້ຳໃນໜ້າເຂື່ອນບໍ່ໃຫ້ສູງເກີນລະດັບເຕືອນໄພ. ສະນັ້ນ, ຈຶ່ງແຈ້ງເຕືອນມາຍັງທຸກພາກສ່ວນທີ່ກ່ຽວຂ້ອງ ແລະ ພໍ່ແມ່ປະຊາຊົນ ທີ່ທຳມາຫາກິນຕາມສາຍຫ້ວຍລຳພັນໃຫຍ່ (ໂດຍສະເພາະແມ່ນບໍລິເວນກ້ອງເຂື່ອນຫ້ວຍລຳພັນໃຫຍ່ ຫາ ເຂື່ອນຫ້ວຍລຳພັນຕອນລຸ່ມ) ຈົ່ງມີສະຕິລະມັດລະວັງ  ຖ້າບໍ່ຈໍາເປັນກໍ່ໃຫ້ຫຼີກລ້ຽງການໄປທໍາມາຫາກິນຕາມສາຍນໍ້າ, ລົງຫຼີ້ນນໍ້າ, ການນຳສັດລ້ຽງໄປຜູກໄວ້ພື້ນທີສູງ ເພື່ອຄວາມປອດໄພ ແລະ ຊັບສີນຂອງທ່ານ. ລາຍລະອຽດດັ່ງລຸ່ມນີ້:

ພິທີມອບ-ຮັບ ຕຳແໜ່ງລະຫ່ວາງ ຜູ້ອຳນວຍການໃຫຍ່ຜູ້ເກົ່າ ແລະ ຜູ້ໃໝ່

ພິທີມອບ-ຮັບ ຕຳແໜ່ງລະຫ່ວາງ ຜູ້ອຳນວຍການໃຫຍ່ຜູ້ເກົ່າ ແລະ ຜູ້ໃໝ່ ບໍລິສັດ ຜະລິດ-ໄຟຟ້າລາວ ມະຫາຊົນ (ຜ-ຟຟລ) ໄດ້ຈັດ ພິທີມອບ-ຮັບ ໜ້າທີ່ລະຫ່ວາງຜູ້ອຳນວຍການໃຫຍ່ຜູ້ເກົ່າ ແລະ ຜູ້ໃໝ່, ເຊິ່ງໄດ້ແຕ່ງຕັ້ງ ທ່ານ ດວງສີ ພາຣະຍົກ ເປັນຜູ້ອຳນວຍການ ຜ-ຟຟລ ຜູ້ໃໝ່, ແລະ ຮອງຜູ້ອຳນວຍການໃຫຍ່ຄື ທ່ານ ທອງເພັດ ດ້ວງເງິນ, ທ່ານ ວົງສະກຸນ ຍິ່ງຍົງ, ທ່ານ ນາງ ສຸກສັນ ພົງພິລາ  ແລະ ທ່ານ ວັນແສງ ວັນນະວົງ, ປ່ຽນແທນຄະນະຜູ້ອຳນວຍການຊຸດເກົ່າທີ່ເຂົ້າຮັບກະສຽນບຳເນັດ. ໂດຍພິທີດັ່ງກ່າວຈັດຂຶ້ນ ໃນວັນທີ 24 ກໍລະກົດ 2020 ທີ່ ຫ້ອງປະຊຸມໃຫຍ່ ສຳນັກງານໃຫຍ່ ລັດວິສາຫະກິດ ໄຟຟ້າລາວ ທີ່ນະຄອນຫຼວງວຽງຈັນ.

ຜ-ຟຟລ ຈັດກອງປະຊຸມ ວິສາມັນຜູ້ຖືຮຸ້ນ ຄັ້ງທີ 1 ປະຈຳປີ 2020

ຜ-ຟຟລ ຈັດກອງປະຊຸມ ວິສາມັນຜູ້ຖືຮຸ້ນ ຄັ້ງທີ 1 ປະຈຳປີ 2020 ບໍລິສັດ ຜະລິດ-ໄຟຟ້າລາວ ມະຫາຊົນ (ຜ-ຟຟລ) ໄດ້ຈັດກອງປະຊຸມ ວິສາມັນຜູ້ຖືຮຸ້ນ ຄັ້ງທີ 1 ປະຈຳປີ 2020 ໃນວັນທີ 24 ກໍລະກົດ 2020 ທີ່ ຫ້ອງປະຊຸມໃຫຍ່ ສຳນັກງານໃຫຍ່ ລັດວິສາຫະກິດ ໄຟຟ້າລາວ ທີ່ນະຄອນຫຼວງວຽງຈັນ. ໂດຍການເປັນປະທານຂອງ ທ່ານ ປອ. ຄຳມະນີ ອິນທິລາດ, ປະທານສະພາບໍລິຫານ ຜ-ຟຟລ, ລັດຖະມົນຕີກະຊວງພະລັງງານ ແລະ ບໍ່ແຮ່, ພ້ອມດ້ວຍ ຄະນະສະພາບໍລິຫານຂອງ ຜ-ຟຟລ ຜູ້ເກົ່າ ແລະ ໃໝ່, ບັນດາຜູ້ຖືຮຸ້ນ ແລະ ແຂກທີ່ຖືກເຊີນ.

ຜ-ຟຟລ ເຂົ້າຮ່ວມງານ “ພິທີມອບ-ຮັບລາງວັນເປີດເຜີຍຂໍ້ມູນປະຈຳປີ 2019 ຂອງບໍລິສັດຈົດທະບຽນໃນຕະຫຼາດຫຼັກຊັບລາວ”

ຜ-ຟຟລ ເຂົ້າຮ່ວມງານ “ພິທີມອບ-ຮັບລາງວັນເປີດເຜີຍຂໍ້ມູນປະຈຳປີ 2019 ຂອງບໍລິສັດຈົດທະບຽນໃນຕະຫຼາດຫຼັກຊັບລາວ” ໃນວັນທີ 12 ມິຖຸນາ 2020, ບໍລິສັດ ຜະລິດ-ໄຟຟ້າລາວ ມະຫາຊົນ (ຜ-ຟຟລ) ໄດ້ເຂົ້າຮ່ວມງານ “ພິທີມອບ-ຮັບລາງວັນເປີດເຜີຍຂໍ້ມູນປະຈຳປີ 2019 ຂອງບໍລິສັດຈົດທະບຽນໃນ ຕະຫຼາດຫຼັກຊັບລາວ ຫຼື ຕລຊລ (LSX Disclosure Award 2019)”.

ໜຶ່ງໃນວຽກງານສັງຄົມ ແລະ ສິ່ງແວດລ້ອມ ຂອງຜ-ຟຟລ ໃນປີ 2020

ໜຶ່ງໃນວຽກງານສັງຄົມ ແລະ ສິ່ງແວດລ້ອມ ຂອງຜ-ຟຟລ ໃນປີ 2020 ບໍລິສັດ ຜະລິດ-ໄຟຟ້າລາວ ມະຫາຊົນ ຫຼື ຜ-ຟຟລ ເປັນບໍລິສັດໜຶ່ງທີ່ມີໜ້າທີ່ຜະລິດພະລັງງານໄຟຟ້າເພື່ອຂາຍຍົກໃຫ້ລັດວິສາຫະກິດໄຟຟ້າລາວ (ຟຟລ) ແລະ ເຂົ້າຖືຮຸ້ນໃນບັນດາເຂື່ອນໄຟຟ້າ ຂອງ ບໍລິສັດ ຜະລິດໄຟຟ້າເອກະລາດ ເພື່ອສະໜອງຄວາມຕ້ອງການຊົມໃຊ້ພາຍໃນ ແລະ ສົ່ງອອກ. ຄຽງຄູ່ກັບການພັດທະນາດ້ານພະລັງງານ, ຜ-ຟຟລ ຍັງເຫັນຄວາມສຳຄັນໃນວຽກງານສັງຄົມ ແລະ ສິ່ງແວດລ້ອມດ້ວຍດີຕະຫຼອດມາ ໃນການປົກປັກຮັກສາສິ່ງແວດລ້ອມ ແລະ ຊີວະນາໆພັນ ໃຫ້ມີຄວາມອຸດົມສົມບູນ ແລະ ຍືນຍົງ ນອກຈາກນັ້ນ ຍັງໄດ້ເອົາໃຈໃສ່ໃນການພັດທະນາຊຸມຊົນ ທີ່ຢູ່ອາໃສອ້ອມຂ້າງເຂື່ອນ ເປັນຕົ້ນການພັດທະນາພື້ນຖານໂຄງລ່າງ ພ້ອມທັງໄດ້ສ້າງກິດຈະກໍາຮ່ວມກັບຊາວບ້ານອ້ອມຂ້າງເຂື່ອນທີ່ບໍລິສັດຄຸ້ມຄອງ ເປັນຕົ້ນແມ່ນການປູກຕົ້ນໄມ້ ແລະ ປ່ອຍປາ, ມອບອຸປະກອນການແພດໃຫ້ສຸກສາລາ, ບໍລິຈາກເຄື່ອງນຸ່ງຫົ່ມໃຫ້ປະຊາຊົນຜູ້ທີ່ຂາດເຂີນ ແລະ ສະໜັບສະໜູນວຽກງານດ້ານການສືກສາໃຫ້ໂຮງຮຽນທີ່ຢູ່ອ້ອມຂ້າງເຂື່ອນໃນແຕ່ລະປີອີກດ້ວຍ ເຊິ່ງໃນປີ 2019 ລວມເປັນມູນຄ່າທັງໝົດ 3,18 ຕື້ກີບ.

ກອງປະຊຸມສາມັນ ຜູ້ຖືຮຸ້ນ ປະຈຳປີ 2019

ກອງປະຊຸມສາມັນ ຜູ້ຖືຮຸ້ນ ປະຈຳປີ 2019 ບໍລິສັດ ຜະລິດ-ໄຟຟ້າລາວ ມະຫາຊົນ (ຜ-ຟຟລ) ໄດ້ຈັດກອງປະຊຸມສາມັນຜູ້ຖືຮຸ້ນ ປະຈຳປີ 2019 ໃນວັນທີ 29 ພຶດສະພາ 2020 ທີ່ ຫ້ອງປະຊຸມໃຫຍ່ ສຳນັກງານໃຫຍ່ ລັດວິສາຫະກິດ ໄຟຟ້າລາວ (ຟຟລ) ທີ່ນະຄອນຫຼວງວຽງຈັນ.

ແຈ້ງວາລະກອງປະຊຸມ, ວັນ-ເວລາ, ສະຖານທີ່ຈັດກອງປະຊຸມສາມັນຜູ້ຖືຮຸ້ນປະຈຳປີ 2019 ຂອງ ບໍລິສັດ ຜະລິດ-ໄຟຟ້າລາວ ມະຫາຊົນ.

ບໍລິສັດ ຜະລິດ-ໄຟຟ້າລາວ ມະຫາຊົນ (ຜ-ຟຟລ) – ແຈ້ງວາລະກອງປະຊຸມ, ວັນ-ເວລາ, ສະຖານທີ່ຈັດກອງປະຊຸມສາມັນຜູ້ຖືຮຸ້ນປະຈຳປີ 2019 ຂອງ ບໍລິສັດ ຜະລິດ-ໄຟຟ້າລາວ ມະຫາຊົນ.  

ບໍລິສັດ ຜະລິດ-ໄຟຟ້າລາວ ມະຫາຊົນ ໄດ້ເຂົ້າຮ່ວມກອງປະຊຸມເປີດກວ້າງ ສະຫຼຸບຕີລາຄາຖອດຖອນບົດຮຽນການຈັດຕັ້ງປະຕິບັດແຜນວຽກພັດທະນາພະລັງງານ ແລະ ບໍ່ແຮ່ 5 ປີ ຄັ້ງທີ VIII (2016-2020) ແລະ ຄາດຄະເນແຜນພະລັງງານ ແລະ ບໍ່ແຮ່ 5 ປີ ຄັ້ງທີ IX (2021-2025)

ບໍລິສັດ ຜະລິດ-ໄຟຟ້າລາວ ມະຫາຊົນ ໄດ້ເຂົ້າຮ່ວມກອງປະຊຸມເປີດກວ້າງ ສະຫຼຸບຕີລາຄາຖອດຖອນບົດຮຽນການຈັດຕັ້ງປະຕິບັດແຜນວຽກພັດທະນາພະລັງງານ ແລະ ບໍ່ແຮ່ 5 ປີ ຄັ້ງທີ VIII (2016-2020) ແລະ ຄາດຄະເນແຜນພະລັງງານ ແລະ ບໍ່ແຮ່ 5 ປີ ຄັ້ງທີ IX (2021-2025) ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ໄດ້ໃຫ້ທິດຊີ້ນຳ ແກ່ຂະແໜງການ ພະລັງງານ ແລະ ບໍ່ແຮ່ໃນກອງປະຊຸມເປີດກວ້າງ ສະຫຼຸບຕີລາຄາຖອດຖອນບົດຮຽນການຈັດຕັ້ງປະຕິບັດແຜນວຽກພັດທະນາພະລັງງານ ແລະ ບໍ່ແຮ່ 5 ປີ ຄັ້ງທີ VIII (2016-2020) ແລະ ຄາດຄະເນແຜນພະລັງງານ ແລະ ບໍ່ແຮ່ 5 ປີ ຄັ້ງທີ IX (2021-2025) ເຊິງຈັດຂຶ້ນວັນທີ 4-5 ກຸມພາ 2020 ຢູ່ຫໍປະຊຸມແຫ່ງຊາດ.

ບໍລິສັດ ຜະລິດ-ໄຟຟ້າລາວ ມະຫາຊົນ (ຜ-ຟຟລ) ໄດ້ຮ່ວມເປັນເຈົ້າພາບກັບ ບໍລິສັດ ເທີນ-ຫີນບູນ ພາວເວີ້ (THPC) ຈັດງານແຂ່ງຂັນກ໋ອຟການກຸສົນ

ບໍລິສັດ ຜະລິດ-ໄຟຟ້າລາວ ມະຫາຊົນ (ຜ-ຟຟລ) ໄດ້ຮ່ວມເປັນເຈົ້າພາບກັບ ບໍລິສັດ ເທີນ-ຫີນບູນ ພາວເວີ້ (THPC) ຈັດງານແຂ່ງຂັນກ໋ອຟການກຸສົນ ໃນວັນທີ 1 ກຸມພາ 2020, ບໍລິສັດ ຜະລິດ-ໄຟຟ້າລາວ ມະຫາຊົນ (ຜ-ຟຟລ) ໄດ້ຮ່ວມເປັນເຈົ້າພາບກັບ ບໍລິສັດ ເທີນ-ຫີນບູນ ພາວເວີ້ (THPC) ຈັດງານແຂ່ງຂັນກ໋ອຟການກຸສົນເພື່ອເປັນການອຸປະຖຳປັດໃຈ ທີ່ຈະນໍາເອົາທຶນດັ່ງກ່າວໄປພັດທະນາໂຮງຮຽນໃນເຂດຊົນນະບົດຫ່າງໄກສອກຫຼີກ. ໂດຍການເປັນປະທານຂອງ ປອ ຄໍາມະນີ ອິນທິລາດ, ລັດຖະມົນຕີກະຊວງພະລັງງານ ແລະ ບໍ່ແຮ່, ປະທານຂອງ ຜ-ຟຟລ, ແລະ ເຂົ້າຮ່ວມໂດຍບັນດາຄະນະກະຊວງພະລັງງານ ແລະ ບໍ່ແຮ່ ພ້ອມດ້ວຍບໍລິສັດທີ່ຢູ່ອ້ອມຂ້າງຂອງ ຜ-ຟຟລ ແລະ THPC.