ນະໂຍບາຍການດຳເນີນທຸລະກິດ ຂອງບໍລິສັດ     There have been 4114 visitors to this websiteThere have been 4114 visitors to this websiteThere have been 4114 visitors to this websiteThere have been 4114 visitors to this website 

ວິໃສທັດ

ບໍລິສັດ​ ຜະລິດ​-ໄຟຟ້າ​ລາວ ​ມະຫາຊົນ ມີຄວາມປາດຖະຫນາຢ່າງແຮງກ້າທີ່ ຈະ​ເປັນ​ບໍລິສັດ ນຳ​ຫນ້າ​ອັນດັບໜຶ່ງ​ ຂອງ ສ ປ ປ ລາວ ​ໃນການ​ຮັບປະກັນ ແລະ ການຕອບ​ສະຫນອງ​ພະລັງງານ​ໄຟຟ້າ​ຢ່າງ​ພຽງພໍ ແລະ ທັນ​ການ ໃຫ້​ແກ່​ການ​ພັດທະນາ​ເສດຖະກິດ-​ສັງຄົມ ​ຂອງ ສ ປ ປ ລາວ ​​ທັງ​ເປັນ​ບໍລິສັດ​ທີ່​ຈະ​ປະກອບສ່ວນ​ຢ່າງແຂງແຮງ ສ້າງ​​ໃຫ້ ສ ປ ປ ລາວ ກາຍ​ເປັນ​ຫມໍ້​ໄຟ ຂອງ​ອາ​ຊຽນ ແລະ ປະກອບ ສ່ວນ​ຢ່າງ​ເຕັມ​ກຳລັງເຮັດ​ໃຫ້ ຂົງ​ເຂດ​ອາ​ຊຽນ ມີ​ຄວາມ​ຫມັ້ນຄົງ​ທາງ​ດ້ານ​ພະລັງງານ​ໄຟຟ້າ​ຢ່າງ​ຍືນ​ຍົງ.  

ພາລະກິດ

  • ເປັນ​ບໍລິສັດ​ນຳ​ຫນ້າ​ອັນດັບຫນຶ່ງໃນ ​ການ​ດຳ​ເນີນ​ທຸລະ​ກິດ​ຜະລິດໄຟຟ້າ ​ເພື່ອ​ຮັບ​​ໃຊ້ພາຍ​​ໃນປະ​ເທດ ​ແລະ ພາຍໃນຂົງ​ເຂດພາກພື້ນ ດ້ວຍ​ລາຄາ​ທີ່​ສົມ​ເຫດ​ສົມ​ຜົນ ແລະ ສ້າງ​ມູນ​ຄ່າ​​ໃຫ້​ແກ່​ຜູ້​ຖື​ຮຸ້ນ .
  •  ຢືນຄຽງ​ຄູ່ ແລະ ສົມທົບຢ່າງ​ສະ​ຫນິດແຫນ້ນ ກັບ ລັດ​ວິ​ສາ​ຫະກິດ​ໄຟຟ້າ​ລາວ ຮ່ວມຮັກສາ​ຄວາມ​ຫມັ້ນຄົງ​ທາງ​ດ້ານ​ພະລັງງານ ບໍ່​ວ່າທາງດ້ານປະລິມານ ກໍ​ຄືຄຸນ​ນະພາ​ບ ​ເພື່ອ​ສະຫນອງ​ໃຫ້​ແກ່ ການ​ພັດທະນາ​ເສດ​ຖະກິດ-ສັງຄົມ ​ໃນຂອບ​ເຂດ ທົ່ວປະເທດ ​ແລະ ​ໃນ​ຂົງ​ເຂດ​ອາ​ຊຽນ .
  • ຕັ້ງຫນ້າ ຍົກ​ສູງ ​ແລະ ພັ​ດທະນາ ຄຸນສົມບັດ ​ແລະ ຄ​ວາ​ມສາມາດ ຂອງ ພະນັກງານ ​ຂອງ​ບໍລິສັດ ​ໃນ​ທຸກ​ລະດັບ ​ໃຫ້ ມີ​ຄວາມ​ກ້າວຫນ້າ ​ແລະ ມີ​ສ່ວນ​ຮ່ວມ ​ໃນ​ການ​ຂະ​ຫຍາ​ຍ ​ແລະ   ພັ​ດທະນາ ບໍລິສັດ ດ້ວຍ​ຄວາມ​ຮູ້ສຶກທີ່ພາກພູມ​ໃຈ, ມີຄວາມຮັບຜິດຊອບ ​ແລະ ​ເປັນ​ເຈົ້າ​ຂອງ .

ພັນທະ​ກິດ :

ບໍລິສັດ ຈະຕັ້ງຫນ້າ​ຍົກ​ສູງ​ຄຸ​ນສົມບັດ ​ແລະສ້າງ​ວັດທະນະທຳ​ຂອງ​ອົງ​ກອນ​ໃຫ້ ສອດຄ່ອງ​ກັບ​ຫລັກ​ການ​ການ​ກຳກັບ​ດູ​ແລ​ກິດຈະການທີ່​ດີ ດັ່ງ​ລຸ່ມ​ນີ້ :

  1. ຮັບຜິດຊອບ​ຕໍ່​ຜູ້​ຖື​ຮຸ້ນ ແລະ ຜູ້​ມີ​ສ່ວນ​ໄດ້​ສ່ວນ​ເສຍ ຢ່າງ​ເຕັມ​ສ່ວນ​ໃນ​ການ​ປົກ​ປັກຮັກສາຊັບ​ສິນ ຂອງ​ບໍລິສັດ ​ໃຫ້ ມີ​ຄວາມ​ຫມັ້ນຄົງ ​ແລະ ​ເຕີບ​ໃຫຍ່​ຂະຫຍາຍຕົວຢ່າງ​ຫນັກ​ແຫນ້ນ ແລະ ຢັ້ງຢືນ;
  2. ປະຕິບັດ​ຕາມ ວິ​ໄສ​ທັດ ​ແລະ ພາລະກິດ ທີ່​ໄດ້​ຮັບ​ມອບ​ຫມາຍ ຢ່າງ​ຄ່ອງ​ແຄ້ວ ​ແລະ ມີ​ຫລັກການ ໂດຍ​ຄຳນືງ​ເຖິງ ບັນດາ​ຄວາມ​ສ່ຽງ​ຕ່າງໆ ໃນປັດຈຸບັນ ແລະ ອະນາ​ຄົດ;
  3. ມີ​ຂະ​ບວນການ​ຕັດສິນ​ໃຈ ​ແລະຂັ້ນຕອນການ​ດຳ​ເນີນ​ງານ​ທີ່ ຈະ​ແຈ້ງໂປ່​ງ​ໃສ ​ແລະກວດ​ສອບ​ໄດ້;
  4. ປະຕິບັດ​ຕໍ່​ທຸກ​ຝ່າຍ​ທີ່​ກ່ຽວຂ້ອງ ຢ່າງ​ສະ​ເຫມີ​ພາບ​ເທົ່າ​ທຽມ​ກັນ ​ແລະ ຫລີກ​ເວັ້ນສະພາບ​ທີ່​ຈະ​ກໍ່​ໃຫ້​ເກີດ​ມີ​ຂໍ້​ຂັດ​ແຍ່ງ​ທາງ​ດ້ານ​ຜົນ​ປະ​ໂຫຍ​ ດ ຫລື ຜົນ​ປະ​ໂຫຍ​ດຊ້ຳ​ຊ້ອນ;
  5. ຕັ້ງຫນ້າ​ສ້າງ​ຄວາມ​ຮັ່ງມີ ​ ​ແລະ ມູນ​ຄ່າ ​ໃນ​ໄລຍະ​ຍາວ​ໃຫ້​ແກ່​ຜູ້​ຖື​ຮຸ້ນ;
  6. ນຳ​​ໃຊ້ ຫົວຄິດ​ປະດິດ​ສ້າງ ​ແລະ ​ເຕັກ​ນິກວິທະຍາ​ການ ທີ່​ກ້າວຫນ້າ ​​ແນ​ໃສ່ ຍົກສູງ​ປະສິດທິພາບ​ໃນ​ການ​ບໍລິຫານ ທຸລະ​ກິດ ​ແລະ ການ​ຜະລິດ ຢ່າງ​ຕໍ່​ເນື່ອງ​ແລະ ​ໃຫ້​ສາມາດແຂ່ງຂັນໄດ້;
  7. ເອົາ​ໃຈ​ໃສ່ ຕໍ່​ສັງຄົມ ​, ​ແຫ​ລ່ງນຳ້ ແລະ ສິ່​ງ​ແວດ​ລ້ອມ .