• #
  • #
  • #

  ຜ-ຟຟລ ເຂົ້າຮ່ວມງານສຳມະນາພາຍໃຕ້ຫົວຂໍ້: ບາດກ້າວສູ່ຄວາມສຳເລັດຜ່ານຕະຫຼາດທຶນ     There have been 325 visitors to this websiteThere have been 325 visitors to this websiteThere have been 325 visitors to this website 

ວັນທີ 17 ພະຈິກ 2016, ທ່ານ ດຣ. ບຸນສະຫຼອງ ສຸດທິດາຣາ, ຮອງຜູ້ອຳນວຍການໃຫຍ່ສາຍການເງິນ, ຕາງໜ້າໃຫ້ ບໍລິສັດ ຜະລິດ-ໄຟຟ້າລາວ ມະຫາຊົນ ເຂົ້າຮ່ວມແລກປ່ຽນປະສົບການໃນຫົວຂໍ້: ການກຽມໂຕ ແລະ ຜົນປະໂຫຍດຂອງການຈົດທະບຽນໃນຕະຫຼາດຫຼັກຊັບ ໃນງານສຳມະນາ ພາຍໃຕ້ຫົວຂໍ້ ‘ບາດກ້າວສູ່ຄວາມສຳເລັດຂອງທຸລະກິດຜ່ານຕະຫຼາດທຶນ’ ຈັດໂດຍ: ສະພາການຄ້າ ແລະ ອຸດສາຫະກຳ ນະຄອນຫຼວງວຽງຈັນ ຮ່ວມກັບ ຕະຫຼາດຫຼັກຊັບລາວ, ທີ່ອາຄານຕະຫຼາດຫຼັກຊັບລາວ. ໂດຍມີຕາງໜ້າຈາກສຳນັກງານຄະນະກຳມະການຄຸ້ມຄອງຫຼັກຊັບ, ວິທະຍາກອນຈາກພາຍໃນ ແລະ ຕ່າງປະເທດ, ບັນດາຄະນະບໍລິຫານ ສຄນ.ນວ, ສະມາຊິກ ສຄນ.ນວ ແລະ ຜູ້ປະກອບການທຸລະກິດ ລວມທັງໝົດ 55 ພາກສ່ວນ.​ ຈຸດປະສົງຂອງການຈັດງານໃນຄັ້ງນີ້ແມ່ນໃຫ້ບັນດາຜູ້ປະກອບການທຸລະກິດໃນ ສປປ ລາວ ເຫັນໄດ້ເຖິງຄວາມສຳຄັນ ແລະ ຊ່ອງທາງໃໝ່ໃນການລະດົມທຶນ (ຫາແຫຼ່ງທຶນ) ເພື່ອຕໍ່ຍອດຄວາມສຳເລັດຂອງທຸລະກິດຕົນໃຫ້ສູງເດັ່ນຂື້ນໃນພາກພື້ນ ແລະ ກ້າວໄປສູ່ການເປັນທີ່ຮັບຮູ້ ແລະ ຖືກຍອມຮັບໃນເວທີສາກົນ.